【土耳其風vs古羅馬風】台北隱藏景點地下水宮殿限定開放!深水埗主教山配水庫爭議聲下開放入場有限制|附交通+報名方法

各國地方都擁有獨特嘅地下水道,空間縱然細小,但就有非一般功能,而且隨時擁有過百年歷史。地下水道有特別風格,例如英國有羅馬洛場設計,澳洲悉屁亦有派丁頓蓄水池,而香港與台灣亦有拍拖兩個人打卡必到嘅配水庫。其中台北地下水宮殿充滿土耳其伊斯坦堡風格,而香港深水埗主教山玩水庫則有古羅馬風格,只不過台北地下水道長期限定開放,而香港地下水道幾乎被剷平,於爭議聲下先重新開放公眾入場,但仍有一定限制,即睇台北與香港地下水道入場方法!

香港景點﹕深水埗主教山配水庫

深水埗主教山(Mission Hill)又叫窩仔山,2020年底被行山人士及居民發現山頂上隱藏一個充滿古羅馬風格嘅配水庫設施,有指該配水庫設施因減壓缸頂部有裂痕,當時正準備被拆毀,山頂幾乎被剷平。事件曝光後,輿論滿天,各保育、民間團體及居民等一直反對清拆,同時獲得公眾關注。由於配水庫內部結構罕見,加上呢間翻出大量歷史文獻,畜水池與原先評估為水缸有出入。事件鬧大後,最終水務署、古蹟辦及政府等先將其保育,更將深水埗主教山配水庫評為一級歷史建築物,與京士柏油麻地配水庫齊名,並開放公眾免費參觀及提供導賞。

主教山配水庫係香港版蓄水池,位於石硤尾窩仔山山崗處,畜水池於1904年建成,為20世紀初嘅戰前水務建築,屹今有119年歷史。呢個香港蓄水池早於1947已經出現於九龍地圖上,被標示為「Service Reservoir」,位置近九龍塘村。以歷史計算,深水埗配水庫係僅次於京士柏油麻地配水庫,係九龍半島中第二古老嘅本地蓄水池。不過,始終未有被列為法定古蹟,只係被列為一級歷史建築物,未有任何法定保護。

蓄水池建築設計獨特,採用古羅馬風格建造,莊嚴中有古典美,當時由殖民地政府工務司署負責興建。由於當年配水庫容量不足,故當時殖民地玫府就計劃於九龍塘村山頭興建一個圓形儲水庫,直徑有150米,預料可增超過200萬加侖食水量,連接油麻地水道,為深水埗及大角嘴一帶提供食水,換言之容量約有9900立方米,當時預算僅約6萬元,比觀塘個噴水池唔知低幾多倍。

主教山配水庫內充滿古羅馬風格,其地下圓拱形結構拱門有約7米高,並以紅磚砌成桶形拱頂,原來整個配水庫更亦有108條排列有致嘅麻石柱支撐。當中,每一條石柱包含花崗岩石,14塊花崗岩石堆疊成石柱,每塊約高1尺,長約2尺,闊約1尺半。現時可以見到部份外露,可惜有部份於清拆停工前已經被拆毀,包括已拆毀嘅圓拱天花板。現時,公眾可經導賞團進入配水庫範圍,活化後已增設樓梯,以方便遊客上落,亦加上玻璃天窗,防止風化侵蝕。此外,除咗保留仿羅馬建築嘅拱門、花崗石柱,重有通風井、排氣管、水管及半圓渠等,配水庫歷史悠久又充滿特色。

爭議聲下,深水埗主教山配水庫經簡單活化後,於2021年末以有限度開放方式,逐步開放市民入內參觀,而開放日子、時間、人數皆有限制。雖然「前深水埗配水庫導賞團」早於2021年末至2022年中期開放網上報名,最初僅為期半年,而且只有擁有疫苗通行證者先可以參觀,好似編輯呢啲零針者想參觀嘅人係無法參觀。後來導賞團再復辦,仍然需要疫苗通行證要求,只係增設3節導賞遊時段,每節有50人名額。直到2023年,主教山配水庫先至完全開放所有公眾入場參觀,無需要再出示任何疫苗通行證,但仍然需要出示身份證明文件作記錄。

台北景點﹕自來水園區觀音山蓄水池/地下水宮殿

土耳其伊斯坦堡有地下水宮殿,台灣一樣有一座地下水宮殿!位於台北自來水園區內嘅地下水宮殿,被稱為觀音山蓄水池,屬公館一帶台北隱藏最美點,宛如土耳其地下水宮殿,馬上揭開其神秘面紗!

台北公館自來水園區有一座神秘地下水宮殿,同香港深水埗古羅馬式配水庫一樣,擁有百年歷史,為台北最古老蓄水池。分別在於桃紅色建築物躲藏於自來水園區內,內部狀似土耳其風格,同樣與城市地貌大有分別,有如闖進時空隧道探險。而自來水博物館本身亦同被列為市定三級古蹟,建築物以古典主義揉合巴洛克風格,受到台北市重視。

事實上,觀音山蓄水池於1908年建成,屹今有115年歷史,並於2019年重新開放,同香港主教山配水庫共通之處係由英國人提議,只係台北蓄水池係由英國衛生工程技師建議設置取水口及淨水場。蓄水池建成日期與香港深水埗主教山配水庫相距4年,但保育方面卻比香港更好,無需要爭議聲都已將古蹟完好保存。台北公館觀音山蓄水池於日治時期已經存在,來自日本岐阜縣武儀郡工匠設計,為古希臘愛奧尼柱式風格,將日本、歐洲設計二合為一,為台北地下水道建設及古蹟建築群。

據官方臺北自來水事業處資料顯示,觀音山蓄水池屬自來水園區最高點,海拔約有44米高,建築物高約42米,容量則有4500噸,20世紀至1977年都為附近大稻埕、艋舺提供用水。步入觀音山蓄水池,不難發現面積細小,而地下結構為半地下式,路線迂迴曲折,屬迂迴形導流壁。室內充滿新古典風格特色,而且水源區感覺冬暖夏涼,加上屬園區人跡罕至範圍,更添一份神秘感。

穿過自來水園區內嘅小觀音山步道、水管雕塑區,經過樹林,就會到達小山頭中嘅地下蓄水池。本身自來水園區亦充滿古典味,皆因自來水博物館亦以巴洛克風格設計。而表面有如迷你羅浮宮嘅觀音山蓄水池,桃紅色建築中包含有排氣室、消毒室、水位測量室。4個角落都有螺旋形製通氣罐,連接地下天花板,地下蓄水池設備可令水質乾淨,亦可保持空氣循環流通,草地之下卻為蓄水池設備。地下水宮殿既有對稱感,亦有古希臘風格奧尼柱式設計,帶上新古典主義華麗風格,非常唯美。園區內更有超古老嘅日本原廠抽水摩打,值得參觀。

室內雖然面積不大,長約55米、闊約30米,深有5米,既有導流牆與柱礎,亦有古老水管,設計獨特,美感與功能兼備。加上有一面又一面水牆,一端不斷發出水流聲音,構成水流動,但其實當中已經無水,只係裝置模擬水流動聲音,加上光影折射,令公眾更有水流動中嘅感覺。由入口走到池底,卻又意想不到嘅震憾感,確實有世界遺產土耳其伊斯坦堡地下水宮殿(Basilica Cistern)感覺。

兩個人旅吓行

台北走走
macao
澳門走走
bangkok
曼谷走走
hualien
花蓮走走
kaohsiung 高雄
高雄走走
tokyo
東京走走

專題

立即 Follow E.A.Two 兩個人醫吓肚
Instagram: @e_a_two
Like Facebook 專頁: E.A.Two 兩個人醫吓肚
Subscribe YouTube Official Channel E.A.Two 兩隻嘢玩乜好,
了解更多E.A.Two 資訊

E.A.Tips :

❶ 參觀香港主教山配水庫必須預約參與「前深水埗配水庫導賞團」,可以個人或團體名義報名。網址﹕https://www.waterconservation.gov.hk/tc/ex-sspsr/。

❷ 香港主教山配水庫導賞團分3個時段,包括10:00 - 11:30、14:00 - 15:30、15:30 - 17:00,但最後一個時段僅限星期六、日。每位參加導賞遊後,於90天內唔可以重複報名。

❸ 參觀香港深水埗配水庫需於巴域街近聖方濟各英文小學行人路門口先集合,登記處會於參觀時段前15分鐘開放,到達時只需出示確認短訊及身份證明文件,如身份證。

❹ 由巴域街集合地點上行至前深水埗配水庫需約15分鐘步程,包括山路及狹窄梯級,無行開山嘅人或者會需要較多體力,但對於行開山嘅人嚟講只係piece of cake。

❶ 網上預約最少要4日之前報名申請留位,而系統每月第1個工作日09:00會有更新情況,同時只會顯示未來2個月可以參觀嘅日子同時段。每團人數為24至36人,由1位導遊與2位助理帶團,而參觀配水庫時更需要分成2團,因為地下配水庫容納人數有限,自由拍攝時間亦只有15分鐘左右。若天氣不穩,天文台發出暴雨警告信號或3號或以上熱帶氣旋警告信號,導賞團將會取消。

❷ 可自備3.5mm制式耳筒,用作接駁官方分發嘅無線接收器。前往配水庫前,最好先預備防蚊用品,穿上長袖衫及長褲,切勿於場內飲食。以安全計,切勿擅自離隊,同時唔好走入未經允許進入範圍。每位參觀者填寫問券後,可獲得紀念品乙份。

❸ 另外,亦有自助導賞遊,只提供語音導賞,事前下載就得,但時間就只有60分鐘。網址﹕https://www.waterconservation.gov.hk/。

❹ 自來水園區需要門票入場,但觀音山蓄水池只需憑園區入場券就可以入場。詳情請參考網址﹕https://waterpark.water.gov.taipei/。

❶ 台北自來水園區於星期二至日開放,其中自來水博物館導賞團只限10:00及14:00兩個時段,每節約30分鐘。至於觀音山蓄水池地下水宮殿則只於星期六及日開放導賞團,每節約50分鐘,每節名額只有30名。

❷ 參觀自來水博物館/地下水宮殿導賞團前,必須於14:30到自來水博物館前廣場領取導覽牌。注意參觀台北觀音山蓄水池係無任何網上或電話預約,必須當天到門口預約導覽,只限門口即日預約,基本上10:00已經係預約14:30嘅時段。

❸ 地下水宮殿導覽每節只有十幾人,由1位導覽員帶領。由於蓄水池位於山崗,所以遇上雷雨或天氣不穩,都有可能取消導覽行程。

❹ 乘搭捷運松山新店線至公館站,於4號出口出站後徒步約5分鐘即達自來水博物館園,而想去親水體驗教育區就可於1號出口出站,徒步3分鐘即達。自來水園區有24小時停車場,平日約$15/30分鐘,假日則約$25/30分鐘。

❶ 自來水園區夏季7至8月開放時間為09:00 - 18:00,其他月則為09:00 - 17:00,最後入園時間為園區關閉前1小時。

❷ 自來水園區夏季期間入場費為成人NT80,小童半價;其他月份則為成人NT50,小童半價。若要中途離開園區,可以於入口處於手上蓋上園區圖章,就可以於當日重新入園。

❸ 前往觀音山蓄水池有一段路,連參觀及導覽時間需時約1.5小時,部份路段為山路及樓梯級,故最好穿著長袖衫褲、舒適波鞋,同時預備防蚊用品。



EATWO
Miss A
▼現場先至取導覽入場證。

觀音山蓄水池

台灣台北市中正區思源街1號自來水園區
09:00 - 17:00;星期一休息
+886 2 8369 5104

前深水埗配水庫

深水埗主教山
08:45 - 14:00

醫吓肚

【區區有小店2025】太和14間尚存本土餐廳美食!炸雞髀意粉/海鮮雞煲/焙茶鴛鴦咖啡/法國生蠔

【#太和好去處】雖然處於結業潮當中,但香港小店依然不少,只要有心尋找,拍拖兩個人留港搵食其實不難。E.A.Two繼續為香港人搜羅仍舊隱身香港、默默經營嘅地道小店,而且唔少都有一定水準。小店選擇眾多,每間各有優點同缺點,好食就食多啲,唔好食唔好逼自己食,希望本土香港人明白,自己小店自己撐!呢篇係太和篇﹕

【區區有小店2025】大埔廣場/昌運中心/海寶花園9間尚存本土餐廳美食!隱藏炸豬扒、老牌粥店、舊式粉果

【#大埔中心好去處】雖然處於結業潮當中,但香港小店依然不少,只要有心尋找,拍拖兩個人留港搵食其實不難。E.A.Two繼續為香港人搜羅仍舊隱身香港、默默經營嘅地道小店,而且唔少都有一定水準。小店選擇眾多,每間各有優點同缺點,好食就食多啲,唔好食唔好逼自己食,希望本土香港人明白,自己小店自己撐!呢篇係大埔中心、大埔廣場、昌運中心篇﹕

【區區有小店2025】大埔墟37間尚存本土餐廳美食!雲吞蝦籽麵/400次椰子汁/滷水獅頭鵝/客家咸雞/小窩幼身米線

【#大埔好去處】雖然處於結業潮當中,但香港小店依然不少,只要有心尋找,拍拖兩個人留港搵食其實不難。E.A.Two繼續為香港人搜羅仍舊隱身香港、默默經營嘅地道小店,而且唔少都有一定水準。小店選擇眾多,每間各有優點同缺點,好食就食多啲,唔好食唔好逼自己食,希望本土香港人明白,自己小店自己撐!呢篇係大埔、太和、大尾督篇﹕

{"speed":"1000","height":"600","pause":"4000"}
影吓相

驚見全港最神秘郵筒!青山醫院參觀精神健康體驗館設5大展區 即睇報名方法體驗精神病患者情況

【#了解精神病】青山醫院向來都係重門深鎖,外人一般係嚴禁進入,而偏偏有個全港最獨特嘅英式郵筒就位於醫院範圍內,真係神秘得難以找尋!近月,青山醫院內就開放一個精神健康體驗館,不妨拍拖兩個人去了解吓精神病患者嘅實況。原來亦只可以從後門進入。不過,E.A.Two編輯入正門問路,赫然發現呢個最神秘嘅郵筒竟然活現眼前!

香港機場禁區美食廣場僅存2間小店!上機前歎米芝蓮級阿元來了/兩姊妹涼皮!即睇正確位置+營業時間

【#禁區餐廳】今年電影《九龍城寨之圍城》風靡唔少港人,最近香港機場都特設一個香港電影展覽。以前城寨處於舊機場旁邊,而家將城寨搬到新機場﹐認真奇妙!去旅行搭飛機前,除咗睇展覽,唔少得係搵吓上機前有咩食,機場禁區選擇雖然不少,但現時小店只係剩返2間,同樣都係《米芝蓮》水平嘅小店。一間近閘口,另一間則位於偌大窗戶旁邊嘅美食廣場,即刻睇吓呢2間小店嘅正確位置同營業時間啦!

【上集】2024搶先直擊!馬灣舊村翻新變彩色小屋?古樸村莊改造文化藝術村 一條路線睇埋歷史遺跡馬灣舊校/芳園書室

【#全新馬灣】自從馬灣舊村封閉後,值得前往嘅馬灣影相熱點又少一個。不過據消息指,馬灣公園二期活化計劃已經竣工,E.A.Two編輯特意親身前往馬灣觀察,發覺原先嘅古樸舊村,已經翻新得七七八八。現場可見,昔日打卡味濃嘅廢棄舊村,已經變成一排排新穎彩色小屋,據悉為配合全新文化藝術村計劃,故有此設計。到底將舊村活化是好是壞,彩色小屋定復古舊村更可以吸引遊客呢?確實要拭目以待。

淺水灣唯一!Parabolica Caffe座落打卡熱點影灣園 時尚雅緻貴族級咖啡店

【#淺水灣唯一】淺水灣為典型香港景點之一,而影灣園內嘅旋轉樓梯及花園更加係知名打卡熱點,呢一帶到底有咩值得拍拖兩個人前往嘅餐廳呢?原先其實重有另一間餐廳「Hooman by the Sea」,但現時只係剩低尖沙嘴店;而淺水灣則只有1間咖啡小店「Parabolica Caffe」依舊屹立不搖。

【新年路線2024】山頂廣場起步!全新配水庫公園毗鄰薄扶林水塘 山腳直達伯大尼教堂/薄扶林牧場

【#隱藏配水庫公園】香港太平山山頂係眾所週知嘅熱門景點,亦係獲得世界三大夜景之一嘅地方,過百年歷史嘅盧吉道更可270度環迴俯視維港兩岸。而由山頂廣場出發,除咗西高山、龍虎山、薄扶林水塘等路線,亦有一道比較鮮為人知嘅山路,中途隱藏一個最近山頂嘅配水庫遊樂場,適合拍拖兩個人走一走。山腳終點更可直達IG打卡熱點伯大尼教堂及薄扶林牧場,今次路線與薄扶林水塘並無關係。

{"speed":"1000","height":"600","pause":"4000"}