香港結業潮下，美食小店似乎一間又一間逐步消失，縱然搵食艱難，現時依然有唔少值得支持嘅小店尚存，香港人一樣可以拍拖兩個人搜羅各種喜愛菜式，甚至性價比高嘅餐廳選擇。今次E.A.Two編輯就為大家整理2024年銅鑼灣、天后、大坑區尚存嘅餐廳小店，即睇該區隱藏美食介紹！

港式

民聲冰室

「民聲冰室」係銅鑼灣大坑區內一間極具人氣嘅小店，當中甚有水準嘅肉餅山飯及手撕雞飯為最受歡迎產物，打卡度高之餘，回頭率亦高，不過排隊程度竟然不及隔離「炳記茶檔」。

延伸閱讀﹕明星級庶民大排檔！民聲冰室馳名肉餅山／客家手撕雞內外兼備

和順記

雖然「和順記」有好多間分店，但其實該店係特許經營店，每間老細都唔一樣，編輯私心推介只係得荃灣店同天后店，但目前荃灣店已經結業，故此僅剩天后店，全港「和順記」大大隻炸雞髀只有天后店值得選擇。

延伸閱讀﹕大帽山扶輪營地燒烤場【野餐隨行】歎荃灣和順記超巨型人氣炸髀

麵尊

位於銅鑼灣其中一道食街登龍街嘅「麵尊」，係眾多分店中嘅元祖店，該店以港式車仔麵為主，價格相宜，出品不俗，算係老銅一帶小確幸。

延伸閱讀﹕銅鑼灣激罕乾淨車仔麵食材環境極衛生唔嗱喳

蕃茄仔

而位處銅鑼灣另一道食街希雲街嘅「蕃茄仔」，附近食店林立，雖然同樣分店不少，但老銅店都屬元祖店，該店以蕃茄湯麵為主，亦有蕃茄冷麵可擇，難得係幾年間依然保持水準。

延伸閱讀﹕銅鑼灣全新蕃茄濃湯麵秘製日式冷麵清新消暑

金西南米線

與「麵尊」一樣處於銅鑼灣登龍街嘅「金西南米線」，以小鍋米線為主，湯底濃郁，據悉一度獲獎，甚至獲得民間米線關注組推介，實力亦不容忽視。

延伸閱讀﹕銅鑼灣登龍街得獎雲南小鍋米線點解獲米線關注組推介？

呦呦鹿鳴布丁燒

來自葵涌廣場嘅「呦呦鹿鳴布丁燒」，以台式布丁燒為主打，口味眾多，而銅鑼灣店則位於禮頓道希雲大廈內，亦算交通方便。

延伸閱讀﹕葵廣必食9種口味布丁燒推介椰青味

香港人兩餸飯

原先位於鰂魚涌嘅「香港人兩餸飯」，現時版圖已擴展至多個區域，連中區銅鑼灣都有分店，該店兩餸飯價格相宜，而最難得係每一款餸都分開擺放，令唔同醬汁唔會撈埋一齊，好過擺白色發泡膠盒。

延伸閱讀﹕【野餐隨行】鰂魚涌香港人高水準兩餸飯最平$32 闖北角清靜海邊公園野餐近汽車渡輪碼頭

嚐喜大不同特色餐廳小廚

而「嚐喜大不同特色餐廳小廚」以人氣十足嘅煲仔飯為主，亦有各式中式小菜可以選擇，店內大大隻字寫住「馳名煲仔飯」，足見小店嘅信心及人氣，老銅店位於水星街內。

延伸閱讀﹕冬日Keep住暖笠笠！天后小街道茶記嚐炭火馳名烤煲仔飯？

人和荳品廠

至於「人和荳品廠」，與銅鑼灣Sogo及希慎廣場只有一小段距離，該店主打豆類製品，價格低廉，為老銅一帶經濟實惠嘅旗擇，編輯私心推介滷水豆腐。

延伸閱讀﹕銅鑼灣鬧市豆類製品平食之選必食鹵水兩溝+香煎魚肉豆腐

三才魚蛋粉麵

而「三才魚蛋粉麵」更加係銅鑼灣一帶經濟選擇，該店隱藏於街市範圍內，另有自家工場製作食材，除咗人氣十足嘅手打魚蛋，編輯私心推介西洋菜餃及墨魚蝦條作粉麵配料。

延伸閱讀﹕銅鑼灣街市藏魚蛋粉麵店手打魚蛋／西洋菜餃／墨魚蝦條誠意十足！

東南亞菜

班蘭葉印尼美食

而「班蘭葉印尼美食」則為本地甚罕有嘅印尼菜專賣店，該店於老銅一帶經營多年，一直屹立不搖，各種印尼菜式香口惹味。

延伸閱讀﹕銅鑼灣正宗印尼菜必食白鱔沙嗲串燒

船皇

原先「船皇」有至少三間分店，分佈於尖沙嘴、大埔，但目前其他分店已經結業，只係淨返銅鑼灣店依然尚存，該店以泰式船麵為主打，湯頭濃郁，而同當地船麵比，分別在於一份份量較多，但價錢當然較高。

日本菜

Peek-A-Poke

銅鑼灣希雲街內有多間小店可以選擇，可謂一道隱藏食街，而「Peek-A-Poke」銅鑼灣店就位處希雲街內，該店以魚生飯為主打，不過其主打嘅係夏威夷魚生飯，即係Poke Bowl，配搭各款素菜，選料健康有益。

延伸閱讀﹕【野餐隨行】銅鑼灣小巷清爽夏威夷魚生飯Poke Bowl 維多利亞公園大草地歎異國風沙律飯盒

秘

於全港有4間分店嘅「秘」，主打石燒牛扒，每人一份可以自己燒自己食，銅鑼灣店位於謝斐道一帶，靠近鬧市，而且交通方便。

延伸閱讀﹕全港4間分店！石燒牛自己動手燒元朗秘店真係有神秘感？

申子居酒屋

而「申子居酒屋」則為知名嘅小型居酒屋，旺角近油麻地分店較為人熟悉，而銅鑼灣店位處渣甸街渣甸中心內，價格雖然較高，但環境極適合聚會。

延伸閱讀﹕旺角鬧市居酒屋必試惹味燒物炸物

鮨政

「鮨政」原先於多區都有分店，現時只係淨返上環店，而銅鑼灣店則與大湖聯乘，位於Fashion Walk地下，不過當日於香港仔分店一試，發現該店對外賣客人唔太尊重，令編輯對該店大為扣分。

延伸閱讀﹕香港仔偽築地帆船野餐有遮蔭鯨魚主題小店賣魚市場直送龍躉漢堡揭人氣日本餐廳5大問題疑不尊重客人【野餐隨行】

Little Vegas

而「Little Vegas」為一間樓上咖啡店，於銅鑼灣一帶屹立多年，該店位於百樂中心內，主打係打卡，包含有拉斯維加斯賭場主題環境，以及各式包裝過嘅創意菜式，咪就係打卡用囉。

延伸閱讀﹕人氣餐廳Little Vegas神還原賭場走入迷你拉斯維加斯

熊築地

至於鄰近海旁旁「熊築地」，正對銅鑼灣避風塘海岸，穿過隧道就係海邊，加上以手卷、丼飯、壽司，甚至生蠔為主，有如東京築地市場，而該店亦價格相宜，一隻生蠔亦只需14蚊。

延伸閱讀﹕近銅鑼灣避風塘！迷你築地外賣手卷丼飯生蠔每隻低至$14？

台灣菜

燈籠滷味

至於位於銅鑼灣登龍街嘅「燈籠滷味」，既係該區人氣小店，同時於其他區域都設有分店，店內以台式滷味為主，滷水濃郁可口，鹹中帶甜，有啖啖夜市風味。

延伸閱讀﹕銅鑼灣推限定二人套餐人氣店燈籠滷味啖啖台北夜市風味

花斑茶社

「花斑茶社」係較早期嘅台式手搖飲品店，至今多間分店依然尚存，除咗保持水準外，該店近年亦經常為明星應援店，客源穩定。

延伸閱讀﹕新蒲崗茶飲本土味濃厚鮮奶配抺茶勁甘香

迷客夏

相比其他以茶品為主嘅台式手搖飲品店，「迷客夏」都係連鎖式，但就以鮮奶為主要原材料，於台灣甚受學生歡迎，該店英名都係叫做「Milksha」。

圓圓小姐

至於「圓圓小姐」，則為比較鮮為人知嘅台式手搖飲品店，該店分店未有如「花斑茶社」或「迷客夏」咁多，全港只有3間分店，而銅鑼灣店則位於利園山道內。

犀牛犀牛

而「犀牛犀牛」則為一間有如連鎖式嘅特許經營店，現時幾乎每一區都有分店，該店台式蛋餅、捲餅及吐司吸引唔少客人，重點在於平靚正。

西式

Second Draft

至於「Second Draft」，原先係位於銅鑼灣大坑區，現時已經移師銅鑼灣鬧市一帶，該店座落知名商場Fashion Walk範圍內，比以往更方便。

延伸閱讀﹕大坑酒吧獨特Fusion菜茶記美食上大枱？

韓國菜

Hungry Korean

而「Hungry Korean」既為韓國菜餐廳，亦係一間快餐店，簡單嚟講，即係韓式快餐，該店於多區都有分店，銅鑼灣店位於渣甸中心。

中式

拾味正宗刀削麵館

原先於中上環都有分店嘅「拾味正宗刀削麵館」，現時只係淨返銅鑼灣渣甸街店，該店以即製刀削麵為主，口味不少，冷熱皆有，麵條入口煙煙韌韌。

延伸閱讀﹕【野餐隨行】上環巷弄現山西正宗熱拌冷拌刀削麵館古老兵頭花園英皇銅像下開餐

Cafe

N.O.T. Specialty Coffee

去銅鑼灣鬧市一帶，點少得搵間Cafe坐低休息吓呢？位於銅鑼灣利園區內嘅「N.O.T. Specialty Coffee」，位於希慎中心高樓層，一端設有落地大窗，外望利舞臺，有如一間港產玻璃屋咖啡館。

延伸閱讀﹕港版玻璃咖啡館！銅鑼灣鬧市藏樓底特高夢幻玻璃屋週末拍拖慵懶歎咖啡

Cafe Zense

而「Cafe Zense」則為一間隱藏咖啡店，該店位於樓上舖，既有室內座位，亦有一個戶外平台，環境氣氛悠閒，適合小聚。

延伸閱讀﹕閨蜜談心好去處銅鑼灣樓上cafe必食apple crumble連雪糕球

Mamaday

擁有多間分店嘅「Mamaday」，座落尖沙嘴、銅鑼灣，一直以玩味菜式為主，由環境裝潢到餐牌菜式，同樣盞鬼搞笑。不過，最近「Mamaday」官方表示即將會結束營業，食店不敵高企租金，只能營業至2024年7月。

延伸閱讀﹕尖沙嘴港式浪漫人氣Cafe 玩味菜式盞鬼搞笑全靠gimmick

牧羊少年咖啡館

至於「牧羊少年咖啡館」，於多區都有分店，亦係比較穩定嘅連鎖咖啡店，更加係連鎖咖啡店中，價格及食物水平比較穩定嘅一間。

兩個人旅吓行

專題

立即 Follow E.A.Two 兩個人醫吓肚
Instagram: @e_a_two
Like Facebook 專頁: E.A.Two 兩個人醫吓肚
Subscribe YouTube Official Channel E.A.Two 兩隻嘢玩乜好，
了解更多E.A.Two 資訊