香港本來就係國際美食匯聚嘅地方，雖然環境有好大變化，唔少餐廳都陸續出現結業潮，但其實依然有唔同餐廳小店尚存，更有唔同類型嘅菜式可以選擇。今次區區有小店就為大家整理港九新界尚存嘅台灣菜餐廳，適合拍拖兩個人前往，即刻睇睇菜式推介之台灣菜選擇！
港島
1963木十豆寸
喜愛食飯打卡嘅朋友，前往灣仔「1963木十豆寸」必然難以放低手機。隱藏於灣仔一幢唐樓內，由樓梯到餐廳位置，裝潢懷舊味濃厚，恍如穿梭時空，回到過去。小店以台式老屋設計，主打台灣菜，菜式古早味濃，編輯私心推薦烏龍茶燻雞，水準極高！
吃什麼
中環大館與蘭桂坊一帶小店甚少，其實正對大館就已經有一間台灣菜餐廳，「吃什麼」不單擁有優越地理位置，而且係一間打入《米芝蓮指南》星級推介嘅餐廳，價錢唔高，需要有保證嘅你，可以直接探訪米芝蓮餐廳。
阿元來了
「阿元來了」於香港擁有多間分店，其中西環店更一度打入《米芝蓮指南》星級推介，無論係廚師定老闆，都係來自台灣，所以菜式自然有地道風味，比如係阿元魯肉飯、紅豆餅等。
一起食堂
於中環市中心一帶屹立多年嘅「一起食堂」，雖然以台灣菜式為主，但就以日式風格打造，直接將台式牛肉麵變成日式烏龍麵模式，有如台菜日食，風格獨特。
離島
開心食堂
長洲一帶有多間美食小店可以選擇，以台灣小食嚟講，可以揀「開心食堂」，雖然需要時間等候，但鹽酥雞炸起香脆可口，有啲誠意。
曜嚐
西灣河太安樓向來係小食交匯處，係區內街坊覓食點，亦同葵涌廣場、旺角中心一樣，都係學生哥掃街嘅好去處，皆因每間小店價格相宜，較外面容易負擔。其中，「曜嚐」就主打台灣菜，既有拌麵，亦有台式飯，甚至有台式手作吐司，足夠飽肚。
九龍
哈豆
隱藏於觀塘區內嘅「哈豆」，同樣炮製正宗台灣菜，一度獲得杜生節目支持，無論係逢甲鹹酥雞肉燥飯、五寶雜錦醬乾拌麵等，都非常出色。
延伸閱讀﹕抗疫小店隱藏觀塘工廈 炮製超正宗台灣菜
六両三
走到尖沙嘴一帶，可以前往「六両三」，係鬧市區嘅台灣菜專門店，當中包括台式牛肉麵、滷肉飯，肉味濃郁，湯底亦有牛湯味，都算係鬧市中小確幸。
犇之食堂
同樣位於尖沙嘴嘅「犇之食堂」，而「犇」字由三隻牛組成，顧名思義，同樣賣台式牛肉麵。但小店位於商場地庫內一隅，除咗牛肉麵，亦有刘包、芋圓等台式小食。
伊甸
觀塘一帶小店眾多，「小伊甸」亦係其中一間台灣菜小店，現已易名為「伊甸」，蛋餅、肉燥飯、鹽酥雞，以至波霸奶茶都有，更有台式鐵路便當、雙餸便當。
那個ㄋㄚˋ ㄍㄜ˙
講到台灣菜人氣店，「那個ㄋㄚˋ ㄍㄜ˙」必定係三甲之內，於大角嘴、北角皆有分店。無論平日定夜晚，食飯時間必然有人排隊，而店內就以古早味便當為主打，有還原台灣夜市嘅感覺。不過編輯覺得主食比較一般，反而配菜幾有水準。
龍鳳號
位於觀塘一帶嘅「龍鳳號」，內有多款套餐可擇，菜式皆為台式美食，包括炸雞、滷肉飯等，價格唔算高，適合附近打工仔與同事一齊用餐。
元洲牛肉麵
來自長沙灣嘅「元洲牛肉麵」，目前於旺角女人街亦有分店，店內雖然以台式牛肉麵為主，但口味上就並非台灣紅燒牛肉麵，反而係較為溫和，感覺似遷就港人口味，湯式帶有清甜味。
車輪餅小姐
車輪餅原先來自台灣，近年連香港都有得食，其中位於美孚新邨內嘅「車輪餅小姐」，亦有多款口味可以選擇。包括有流心雲呢拿奶皇、流心日本宇治抹茶、台式芋泥、高纖紫薯、Oreo金莎朱古力榛子醬麻糬、椰香紫米、流心台式珍珠奶茶、手工熬煮紅豆、手工即磨黑芝麻、黃心甜薯、流心牛乳咖啡、流心鮮奶伯爵茶、Oreo奶醬多麻糬、半熟軟心芝士、流心特濃阿華田、流心粟米奶酪、金枕頭榴槤口味
阿木台灣麵
鍾意於鬧市逗留嘅你，通常只識喺市中心一帶搵食，旺角區內「阿木台灣麵」就係比較為人熟悉嘅台灣菜餐廳，不過目前基本上已經剩返一間。其實，小店牛肉麵並唔輸蝕，編輯特別欣賞店內嘅蕃茄濃湯牛肉麵。
雞蛋屋
提到油尖旺台灣菜私心推薦，必定係隱藏於樓上舖嘅「雞蛋屋」，店內猶如樓上cafe，可以坐低談心，亦可以玩吓棋，更有台式廚師發辦可擇，9款小食由當日廚師決定，甚有驚喜。
黑布小巷
原先位於油麻地黑布街嘅「黑布小巷」，只係售賣台式茶飲，而近年著名台灣菜小店「程班長」徹離香港後，「黑布小巷」就進駐同一幢大廈內，不過現時並非主打茶飲，而係台式吐司、滷肉飯、牛肉麵等主食，荔枝角區打工仔必食！
小念頭
現時與「黑布小巷」位於同一幢大廈內嘅「小念頭」，都係以台灣菜為主打，亦係由旺角鬧市搬到荔枝角區。分別在於小店以台菜日食模式為主，更有一汁三菜可以選擇。
101肉燥飯專門店
自問想於尖沙嘴找尋經濟實惠嘅台灣菜餐廳，可以去「101肉燥飯專門店」，價錢低廉，因為本身就係主打平價台灣菜，其實都係糧尾之選嚟嘅。
新界
羅東肉焿番
位於元朗嘅「羅東肉焿番」，一度為人氣小店，店外不時有人排隊等候，店內以正宗肉焿為主，的確回頭率高，另外亦有各式古早味小食及便當可以選擇。
延伸閱讀﹕元朗正宗肉焿極滋味 歎古早味台式小食
木玥巷
屯門紅橋一帶食肆眾多，其中「木玥巷」亦係近年嘅台灣菜餐廳，最大推動力係店內由半島酒店大廚主理，牛骨湯濃郁可口，相當有驚喜。
入麵
位於石門京瑞商場嘅「入麵」，價格極低廉，以平價台灣菜作招徠，無論係附近打工仔，抑或係週末去行山嘅行山人士，都非常方便。
尚青商號
毗連荃灣「光榮冰室」嘅「尚青商號」，亦以台灣菜為主打，最令人有印象嘅地方，係由歌手傅珮嘉主理，亦可以算係一間星級餐廳。
雞同鴨講臺灣篇
對於「巴倫紐」戲院，屯門街坊一定唔陌生，而戲院附近就有一個「Gogo Mall」商場，上層有一個美食廣場，當中有一間「雞同鴨講臺灣篇，內有台式肉燥飯、鹽水雞飯、醬油雞飯，但唔知點解會有海南雞飯。
倆口小吃
「倆口小吃」不單係元朗區內嘅人氣店，門口經常大排長龍，加上小店榮登《米芝蓮指南》星級推介，就更加吸引人慕名而至。店內基本以台式刘包為主，當中包含多款餡料，令人有爆餡感覺。
大雞大超級雞排
「大雞大超級雞排」曾經被網民批評，直指水準參差，但小店依舊係唔少學生哥掃食之處，編輯覺得店內炸雞並非最出色，反而鹵雞令人更有驚喜，值得一試。
豪大大雞排
講到台式炸雞排，士林夜市「豪大大雞排」元祖店自然係排榜首，香港亦有多間分店，不過基本上都只係特許經營模式。所以，本地嘅「豪大大雞排」分店中，其實只有元朗店值得推介，水準同樣係較為有保證。
連鎖
燈籠滷味
「燈籠滷味」以台式滷味為主，於銅鑼灣食街及旺角朗豪坊都有分店，亦受到本地人歡迎，台外不時有人排隊，而滷味拼盤的確係出色，滷汁濃郁可口，又唔會太鹹。
阿土伯鹽水雞
而「阿土伯鹽水雞」亦係連鎖模式，主要賣台灣夜市鹽水雞，亦有肉燥飯餐、台灣麵餐、麻辣雞翼尖等，但就多數只限外賣，除非係位於美食廣場內。
ET鹽水雞
至於「ET鹽水雞」，與「阿土伯鹽水雞」一樣，都係連鎖模式，同樣係以鹽水雞為主打，相對嚟講，「ET鹽水雞」價錢上基本比「阿土伯鹽水雞」更平，只不過水準略為參差。
觀塘Mini Friday與鄰舖米走雞合拼經營？半自助式變午市套餐更適合打工仔！
【#打工仔飯堂】網上嘅資訊好多時都係有真有假，E.A.Two查證以下餐廳時，發現最出名嘅飲食平台竟然寫佢已經結業。不過親身到達現場時，就發現同層兩間餐廳都係依然尚存。雖然無咗半自助式午餐，但仍然容許拍拖兩個人去醫吓肚。
慈雲山平價街坊店兩三碗餃子逾10款餡任揀！最受歡迎竟然係石板／石鍋小食？
【#平價餃子】慈雲山係一個完全屋邨地，同時係一個學校邨，週邊最多嘅就係屋邨同中小學，附近都係街坊同學生。不過，該區食肆並唔多，至今都有唔少餐廳結業，E.A.Two已經食得八八九九，今次去嘅餃子店就係附近車仔麵店嘅姊妹店，拍拖兩個人想食平啲都有所選擇。
【中秋月餅2026】超過20間香港小店本地生產月餅！流心咖啡／港式奶茶／金腿伍仁／開心果麻糬／黑芝麻冰皮／燕窩月餅！留意早鳥優惠、英國專線點買？
【#月餅攻略2026】每年一到暑假，都係準備預訂中秋月餅嘅時候。隨住本地結業潮，拍拖兩個人喺香港買月餅，選擇可能已經愈來愈少。不過，識揀依然有唔少選擇，首選一定係小店模式，如果真係想再穩陣啲，都可以揀日資連鎖店。上年有店舖特設英國專線，今年都唔例外。E.A.Two又再整合2026年中秋節月餅推介，想食咩口味嘅月餅都係任君選擇！
灣仔金庸武俠小說主題Cafe玩味十足！笑林寺隱藏被咖啡耽誤嘅意粉大廚？
【#被咖啡耽誤】雖然近年香港結業潮湧現﹐但有啲餐廳依然客人一個接一個，價格豐儉由人﹐E.A.Two覺得今時今日仍然能夠吸引客人拍拖兩個人排隊都照食，必然有原因。香港有唔少咖啡店，灣仔有一間中西合璧嘅咖啡店非常有玩味，實試之後就覺得咖啡唔係最吸引，意粉先至係最意想不到嘅選擇，入面絕對有位被咖啡耽誤嘅意粉大廚！
荃灣海旁屋苑平台隱藏平價漢堡包／Pizza店！Hustle Guy近月搬入街市重新開業！
【#搬遷試業】要數荃灣區平靚正嘅美食，應該有排數，呢個大區每個角落都有值得拍拖兩個人前往嘅小店。今次E.A.Two於海濱一帶去到一個屋苑平台，當中有一間隱身街市內嘅burger同pizza店，真係可以叫做平靚正，難怪一直係街坊選擇。最近該店更將原店搬入街市內，堂食座位增加，試業當中連紅紙都未拆！
土瓜灣人氣茶飲店裕吉堂近月重開！手搖飲貴過碟飯？店舖限定用茶煮飯整炸雞？
【#重開試業】土瓜灣向來美食眾多，E.A.Two已經基本上食過晒值得前往嘅小店，有好多更加係重複地去完又去。當中有間原先位於大街上嘅茶飲店「裕吉堂」喺上年底宣佈結業，而近月就重開試業，選址轉為內街，原先只提供外賣，現時就增設堂食，重有土瓜灣限定嘅茶味嘅飯餐，碟飯比茶飲更加抵食，拍拖兩個人不妨一試。
赤柱隱藏免費博物館！香港懲教博物館毗連監獄！設10個展覽館＋2個打卡位、最驚喜係邊個？
【#赤柱博物館】於2025年11月，有個「香港博物館節」，有超過17個博物館都係免費入場，但就唔包括隱身於赤柱嘅呢個博物館。不過，呢個博物館本身都係免費入場，如果拍拖兩個人於赤柱一帶散步，不妨順路遊覽呢個展覽館。
超迷你唐樓博物館隱身上環街頭！近PMQ元創方／新聞館！保留裝潢、件件舊香港人昔日必備架生！
【#超迷你博物館】好多人成日話香港無地方去，無嘢好行，其實現時依然有好多地方隱身市區內，值得拍拖兩個人去搜索一下。今次E.A.Two就前往一間近月先開放公眾進入嘅「唐樓博物館」，原來呢間小型博物館真係隱身於一幢唐樓內，入面保留咗昔日嘅場景同用具。而唐樓位置唔單止近上環知名文創地標「PMQ元創方」，同時毗鄰「香港新聞博物館」，任何人都係免費入場，即睇預約方法！
實試官方導賞團！一次參觀尖沙嘴2大法定古蹟、深入了解天文台總部＆前九龍英童學校英式建築！
【#本地導賞團】如果拍拖兩個人喺香港唔知去邊度好，不妨試吓join香港導賞團，對香港地隨時有更深認識，有好多係平時無咩人留意而又鮮為人知。今次E.A.Two就選擇參與尖沙嘴兩個景點嘅導賞團，呢兩個地方唔單止係英式建築物，而且都係一早被列為「香港法定古蹟」，原來每個禮拜只有1日有得導賞團，到底點樣join呢？
舊京都風小屋已拆走！北角天后廟道三號花園日式庭園竟變單一朱紅色鳥居裝飾？
【#再獻新猷】近年小說《我所看見的未來》翻hit，唔少人竟然因為一本小說而擔心「7月5日災難性大地震」預言成真，連7月日本旅遊人次都大幅減少。日本素材向來受到港人拍拖兩個人歡迎，港島區一個公園早年就有一個京都風庭園，今日小屋已被拆走，取而代之嘅只係單一朱紅色鳥居裝飾，唔通係為咗香港人唔飛日本而設？
落機無需搭地鐵！香港機場巴士路線直出市區車費更低？即睇港九新界E車、A車、N車攻略！
【#機場巴士】無論係旅客搭飛機嚟香港旅遊，抑或香港人由外地返香港，由香港國際機場出發前往市區，好多人都會選擇乘搭地鐵。不過，其實香港機場有大量巴士路線可以選擇，唔單止可以直出市區，而車費隨時更低，甚至全天候都有車往返機場，拍拖兩個人由機場去市區都好方便。到或巴士路線中嘅E車、A車、N車有咩分別呢？即睇香港機場巴士路線攻略！
承豐道隱藏漩渦形純白觀景台！公園毗鄰啟德體育園／Airside！清靜海濱長廊180度瞰港九東西維港景！一條路線穿梭空中花園＋郵輪碼頭公園！
【#散步日常】近年，啟德一帶吸引唔少人流，「啟德體育園」就係人流聚集嘅地方，而最近其實重有一個隱藏「啟德體育園」同「啟德郵輪碼頭」之間嘅賞景觀景台。該觀景台設計既似一個漩渦，亦可以連接「啟德空中花園」走道、可以180度眺望港九東西維多利亞港景色同煙花景嘅「啟德海濱長廊」，甚至一條路線直達「啟德郵輪碼頭」，人流稀少，沿途環境清靜，適合拍拖兩個人散吓步。