香港本來就係國際美食匯聚嘅地方，雖然環境有好大變化，唔少餐廳都陸續出現結業潮，但其實依然有唔同餐廳小店尚存，更有唔同類型嘅菜式可以選擇。今次區區有小店就為大家整理港九新界尚存嘅台灣菜餐廳，適合拍拖兩個人前往，即刻睇睇菜式推介之台灣菜選擇！
港島
1963木十豆寸
喜愛食飯打卡嘅朋友，前往灣仔「1963木十豆寸」必然難以放低手機。隱藏於灣仔一幢唐樓內，由樓梯到餐廳位置，裝潢懷舊味濃厚，恍如穿梭時空，回到過去。小店以台式老屋設計，主打台灣菜，菜式古早味濃，編輯私心推薦烏龍茶燻雞，水準極高！
吃什麼
中環大館與蘭桂坊一帶小店甚少，其實正對大館就已經有一間台灣菜餐廳，「吃什麼」不單擁有優越地理位置，而且係一間打入《米芝蓮指南》星級推介嘅餐廳，價錢唔高，需要有保證嘅你，可以直接探訪米芝蓮餐廳。
阿元來了
「阿元來了」於香港擁有多間分店，其中西環店更一度打入《米芝蓮指南》星級推介，無論係廚師定老闆，都係來自台灣，所以菜式自然有地道風味，比如係阿元魯肉飯、紅豆餅等。
一起食堂
於中環市中心一帶屹立多年嘅「一起食堂」，雖然以台灣菜式為主，但就以日式風格打造，直接將台式牛肉麵變成日式烏龍麵模式，有如台菜日食，風格獨特。
離島
開心食堂
長洲一帶有多間美食小店可以選擇，以台灣小食嚟講，可以揀「開心食堂」，雖然需要時間等候，但鹽酥雞炸起香脆可口，有啲誠意。
曜嚐
西灣河太安樓向來係小食交匯處，係區內街坊覓食點，亦同葵涌廣場、旺角中心一樣，都係學生哥掃街嘅好去處，皆因每間小店價格相宜，較外面容易負擔。其中，「曜嚐」就主打台灣菜，既有拌麵，亦有台式飯，甚至有台式手作吐司，足夠飽肚。
九龍
哈豆
隱藏於觀塘區內嘅「哈豆」，同樣炮製正宗台灣菜，一度獲得杜生節目支持，無論係逢甲鹹酥雞肉燥飯、五寶雜錦醬乾拌麵等，都非常出色。
延伸閱讀﹕抗疫小店隱藏觀塘工廈 炮製超正宗台灣菜
六両三
走到尖沙嘴一帶，可以前往「六両三」，係鬧市區嘅台灣菜專門店，當中包括台式牛肉麵、滷肉飯，肉味濃郁，湯底亦有牛湯味，都算係鬧市中小確幸。
犇之食堂
同樣位於尖沙嘴嘅「犇之食堂」，而「犇」字由三隻牛組成，顧名思義，同樣賣台式牛肉麵。但小店位於商場地庫內一隅，除咗牛肉麵，亦有刘包、芋圓等台式小食。
伊甸
觀塘一帶小店眾多，「小伊甸」亦係其中一間台灣菜小店，現已易名為「伊甸」，蛋餅、肉燥飯、鹽酥雞，以至波霸奶茶都有，更有台式鐵路便當、雙餸便當。
那個ㄋㄚˋ ㄍㄜ˙
講到台灣菜人氣店，「那個ㄋㄚˋ ㄍㄜ˙」必定係三甲之內，於大角嘴、北角皆有分店。無論平日定夜晚，食飯時間必然有人排隊，而店內就以古早味便當為主打，有還原台灣夜市嘅感覺。不過編輯覺得主食比較一般，反而配菜幾有水準。
龍鳳號
位於觀塘一帶嘅「龍鳳號」，內有多款套餐可擇，菜式皆為台式美食，包括炸雞、滷肉飯等，價格唔算高，適合附近打工仔與同事一齊用餐。
元洲牛肉麵
來自長沙灣嘅「元洲牛肉麵」，目前於旺角女人街亦有分店，店內雖然以台式牛肉麵為主，但口味上就並非台灣紅燒牛肉麵，反而係較為溫和，感覺似遷就港人口味，湯式帶有清甜味。
車輪餅小姐
車輪餅原先來自台灣，近年連香港都有得食，其中位於美孚新邨內嘅「車輪餅小姐」，亦有多款口味可以選擇。包括有流心雲呢拿奶皇、流心日本宇治抹茶、台式芋泥、高纖紫薯、Oreo金莎朱古力榛子醬麻糬、椰香紫米、流心台式珍珠奶茶、手工熬煮紅豆、手工即磨黑芝麻、黃心甜薯、流心牛乳咖啡、流心鮮奶伯爵茶、Oreo奶醬多麻糬、半熟軟心芝士、流心特濃阿華田、流心粟米奶酪、金枕頭榴槤口味
阿木台灣麵
鍾意於鬧市逗留嘅你，通常只識喺市中心一帶搵食，旺角區內「阿木台灣麵」就係比較為人熟悉嘅台灣菜餐廳，不過目前基本上已經剩返一間。其實，小店牛肉麵並唔輸蝕，編輯特別欣賞店內嘅蕃茄濃湯牛肉麵。
雞蛋屋
提到油尖旺台灣菜私心推薦，必定係隱藏於樓上舖嘅「雞蛋屋」，店內猶如樓上cafe，可以坐低談心，亦可以玩吓棋，更有台式廚師發辦可擇，9款小食由當日廚師決定，甚有驚喜。
黑布小巷
原先位於油麻地黑布街嘅「黑布小巷」，只係售賣台式茶飲，而近年著名台灣菜小店「程班長」徹離香港後，「黑布小巷」就進駐同一幢大廈內，不過現時並非主打茶飲，而係台式吐司、滷肉飯、牛肉麵等主食，荔枝角區打工仔必食！
小念頭
現時與「黑布小巷」位於同一幢大廈內嘅「小念頭」，都係以台灣菜為主打，亦係由旺角鬧市搬到荔枝角區。分別在於小店以台菜日食模式為主，更有一汁三菜可以選擇。
101肉燥飯專門店
自問想於尖沙嘴找尋經濟實惠嘅台灣菜餐廳，可以去「101肉燥飯專門店」，價錢低廉，因為本身就係主打平價台灣菜，其實都係糧尾之選嚟嘅。
新界
羅東肉焿番
位於元朗嘅「羅東肉焿番」，一度為人氣小店，店外不時有人排隊等候，店內以正宗肉焿為主，的確回頭率高，另外亦有各式古早味小食及便當可以選擇。
延伸閱讀﹕元朗正宗肉焿極滋味 歎古早味台式小食
木玥巷
屯門紅橋一帶食肆眾多，其中「木玥巷」亦係近年嘅台灣菜餐廳，最大推動力係店內由半島酒店大廚主理，牛骨湯濃郁可口，相當有驚喜。
入麵
位於石門京瑞商場嘅「入麵」，價格極低廉，以平價台灣菜作招徠，無論係附近打工仔，抑或係週末去行山嘅行山人士，都非常方便。
尚青商號
毗連荃灣「光榮冰室」嘅「尚青商號」，亦以台灣菜為主打，最令人有印象嘅地方，係由歌手傅珮嘉主理，亦可以算係一間星級餐廳。
雞同鴨講臺灣篇
對於「巴倫紐」戲院，屯門街坊一定唔陌生，而戲院附近就有一個「Gogo Mall」商場，上層有一個美食廣場，當中有一間「雞同鴨講臺灣篇，內有台式肉燥飯、鹽水雞飯、醬油雞飯，但唔知點解會有海南雞飯。
倆口小吃
「倆口小吃」不單係元朗區內嘅人氣店，門口經常大排長龍，加上小店榮登《米芝蓮指南》星級推介，就更加吸引人慕名而至。店內基本以台式刘包為主，當中包含多款餡料，令人有爆餡感覺。
大雞大超級雞排
「大雞大超級雞排」曾經被網民批評，直指水準參差，但小店依舊係唔少學生哥掃食之處，編輯覺得店內炸雞並非最出色，反而鹵雞令人更有驚喜，值得一試。
豪大大雞排
講到台式炸雞排，士林夜市「豪大大雞排」元祖店自然係排榜首，香港亦有多間分店，不過基本上都只係特許經營模式。所以，本地嘅「豪大大雞排」分店中，其實只有元朗店值得推介，水準同樣係較為有保證。
連鎖
燈籠滷味
「燈籠滷味」以台式滷味為主，於銅鑼灣食街及旺角朗豪坊都有分店，亦受到本地人歡迎，台外不時有人排隊，而滷味拼盤的確係出色，滷汁濃郁可口，又唔會太鹹。
阿土伯鹽水雞
而「阿土伯鹽水雞」亦係連鎖模式，主要賣台灣夜市鹽水雞，亦有肉燥飯餐、台灣麵餐、麻辣雞翼尖等，但就多數只限外賣，除非係位於美食廣場內。
ET鹽水雞
至於「ET鹽水雞」，與「阿土伯鹽水雞」一樣，都係連鎖模式，同樣係以鹽水雞為主打，相對嚟講，「ET鹽水雞」價錢上基本比「阿土伯鹽水雞」更平，只不過水準略為參差。
銅鑼灣泰式船麵店船皇變迷你香港打卡酒場！突成網絡人氣店水準如何？主打維他奶醬串燒、埋單人均到底幾錢？
【#船麵變串燒】銅鑼灣謝斐道內，本來有間泰式船麵店，值得拍拖兩個人前往。該店曾經由銅鑼灣開到其他地區，後來只係剩返老銅分店，到最後直接結束營業，E.A.Two都覺得好可惜，因為船麵出品其實不俗。最近，有唔少人推介一間同一舖位嘅港式串燒酒場，原先以為係唔關我事嘅食肆，直到見到一張餐牌寫住「聯乘船皇」。
上環搬到銅鑼灣地帶？老字號飛藥堂蔘茸海味店隱身冷清商場！海味零食、過大禮專門店
【#海味專門店】銅鑼灣雖然係人流滿滿嘅區域，但現時都有唔少冷清商場，銅鑼灣地帶就係其中之一，屹今已經愈來愈少人會走上去行街。事實上，有一間老字號蔘茸海味專門店隱身於呢個商場內，一邊係賣海味、藥材，另一邊係過大禮專門店，拍拖兩個人結婚必揀！
北角鯊魚肉四式燒賣隱身中醫診所！新天中藥茶館老中醫師處方自家涼茶／湯包！
【#老式涼茶舖】燒賣、魚蛋係香港知名而獨有嘅港式小食，好多燒賣、魚蛋都會喺小食店度搵到，而北角有間老字號涼茶舖就憑住鯊魚肉燒賣爆紅，受到一眾喜愛食燒賣嘅網友追捧，唔少人都拍拖兩個人朝聖。唔知點解，好多涼茶舖唔單止賣涼茶，都係會賣埋燒賣、魚蛋，到底點解呢？
西灣河小街極細粉紅Cafe、樣樣加甜！蛋糕店Rose Home Kitchen情侶拍拖紀念日餐廳之選！
【#粉紅咖啡店】雖然好多人話香港有好多劣食，但其實有唔少小店依然默默地做好自己本份，有好多值得支持嘅餐廳等待大家發掘。今次E.A.Two前往西灣河，發覺有一間絕對值得更多嘅細小粉紅咖啡店，適合情侶拍拖兩個人前往，無論紀念日定撐檯腳都好適合！
大角嘴富多來商場最神秘小店！我要辣魚蛋主打港式雞煲、原來真係有魚蛋！
【#最神秘食店】香港有好多神秘到不得了嘅小店，好多時候就算拍拖兩個人行過，都唔知間舖賣乜嘢。E.A.Two每次走過大角嘴富多來商場，都留意到一間非常騎呢嘅小店，睇落好似真係有嘢賣，但實際上長期都閂門，而且唔係畀客人行入去，但佢又選址地舖，原來間中真係會有限時車仔檔推出嚟！
土瓜灣零負評名物有樂燒味！老細隨時放假、開舖時間不定極有性格！乳鴿／叉燒／豉油雞／燒肉難以挑剔！
【#土瓜灣名物】今時今日，喺香港絕對好難搵到無批評嘅餐廳小店。如果拍拖兩個人真係想搵陣，可以試吓呢間土瓜灣名物港式燒味店，至少未見到有任何批評，咁耐依然可以keep住零負評！睇嚟該店生意真係唔差，老細就算係一人辦公，唔單止可以隨時放假，開舖時間亦不定，甚至講明瞓醒先開，非常有性格！
實試官方導賞團！一次參觀尖沙嘴2大法定古蹟、深入了解天文台總部＆前九龍英童學校英式建築！
【#本地導賞團】如果拍拖兩個人喺香港唔知去邊度好，不妨試吓join香港導賞團，對香港地隨時有更深認識，有好多係平時無咩人留意而又鮮為人知。今次E.A.Two就選擇參與尖沙嘴兩個景點嘅導賞團，呢兩個地方唔單止係英式建築物，而且都係一早被列為「香港法定古蹟」，原來每個禮拜只有1日有得導賞團，到底點樣join呢？
舊京都風小屋已拆走！北角天后廟道三號花園日式庭園竟變單一朱紅色鳥居裝飾？
【#再獻新猷】近年小說《我所看見的未來》翻hit，唔少人竟然因為一本小說而擔心「7月5日災難性大地震」預言成真，連7月日本旅遊人次都大幅減少。日本素材向來受到港人拍拖兩個人歡迎，港島區一個公園早年就有一個京都風庭園，今日小屋已被拆走，取而代之嘅只係單一朱紅色鳥居裝飾，唔通係為咗香港人唔飛日本而設？
落機無需搭地鐵！香港機場巴士路線直出市區車費更低？即睇港九新界E車、A車、N車攻略！
【#機場巴士】無論係旅客搭飛機嚟香港旅遊，抑或香港人由外地返香港，由香港國際機場出發前往市區，好多人都會選擇乘搭地鐵。不過，其實香港機場有大量巴士路線可以選擇，唔單止可以直出市區，而車費隨時更低，甚至全天候都有車往返機場，拍拖兩個人由機場去市區都好方便。到或巴士路線中嘅E車、A車、N車有咩分別呢？即睇香港機場巴士路線攻略！
承豐道隱藏漩渦形純白觀景台！公園毗鄰啟德體育園／Airside！清靜海濱長廊180度瞰港九東西維港景！一條路線穿梭空中花園＋郵輪碼頭公園！
【#散步日常】近年，啟德一帶吸引唔少人流，「啟德體育園」就係人流聚集嘅地方，而最近其實重有一個隱藏「啟德體育園」同「啟德郵輪碼頭」之間嘅賞景觀景台。該觀景台設計既似一個漩渦，亦可以連接「啟德空中花園」走道、可以180度眺望港九東西維多利亞港景色同煙花景嘅「啟德海濱長廊」，甚至一條路線直達「啟德郵輪碼頭」，人流稀少，沿途環境清靜，適合拍拖兩個人散吓步。
金鐘CBD隱藏歷史遺跡！香港賽馬會復修軍火庫空中花園眺維港！入口神秘、保留火藥路軌、打卡石屎森林蜿蜒天橋！
【#CBD景點】香港CBD一帶向來都係金融中心、商業地區，四圍都係高聳商廈，景點並唔多，唔係近海就係近山。今次E.A.Two帶大家前往隱藏於金鐘區內嘅歷史遺跡，既保留舊時軍火庫，亦加入可眺望維港嘅空中花園，放空必到！拍拖兩個人更可以打卡石屎森林中嘅蜿蜒天橋，景點免費入場！
【下集】直擊馬灣舊村8大僅存完整保留打卡位！2025年翻新完畢正式開放、全變空盪盪彩色小屋？
【#全新開放】馬灣舊村早年被完全封鎖，經過幾年重修，最近終於翻新完畢，並正式開放公眾入場，有關當局似乎有意模仿意大利「五漁村」，將破舊小屋通通髹成繽紛彩色小屋，並加插藝術壁畫，吸引拍拖兩個人同一家大細入場打卡，同時命名為「馬灣1686」，到底昔日馬灣舊村變成咩樣呢？今次E.A.Two正式走入全新馬灣地標，發現大部份地方都已經人面全非，舊屋通通變成空有華麗外觀、缺乏實際內涵嘅彩色小屋，只係勉強搵到有8個僅餘完整保存嘅地方，即刻睇吓係邊幾個地方！