【區區有小店】菜式篇！港九新界尚存泰國菜 32間本土推介泰國菜餐廳｜泰國菜推薦2023

香港本來就係國際美食匯聚嘅地方，雖然環境有好大變化，唔少餐廳都陸續出現結業潮，但其實依然有唔同餐廳小店尚存，更有唔同類型嘅菜式可以選擇。今次區區有小店就為大家整理港九新界尚存嘅泰國菜餐廳，適合拍拖兩個人前往，即刻睇睇菜式推介之泰國菜選擇！

港島

泰道

東南亞菜當中，泰國菜係好受香港人歡迎嘅菜式之一，提到泰國菜餐廳，編輯私心推薦位於西環一帶嘅「泰道」，價格實惠，水準極高。不過，大家留意其他地方都有中文同名嘅餐廳，但呢間正宗地道泰國餐廳就只此一間！

延伸閱讀﹕泰國小通道！西營盤正宗泰國菜極高水準離海旁僅10分鐘步程

珍意泰國菜館

筲箕灣東大街美食點眾多，好幾間食店多年來都大排長龍，但偏偏編輯甚喜愛嘅東大街泰國菜餐廳「珍意泰國菜館」就未見過排長龍，位置正正喺排隊店對面。店內以地道泰國菜為主，不單有冬蔭功，亦有各式炒飯、小食，價格平民而有質素。

延伸閱讀﹕筲箕灣東大街平民價正宗泰國菜冬蔭公湯底濃郁可口蝦醬炒飯惹味有驚喜

黃金雞

泰式海南雞飯係典型泰國菜式，筲箕灣至西灣河一帶有一道小巷，當中有一間「黃金雞」，售賣海南雞飯，但就只限外賣，一盒大概只係$40（以實試當日為準），除咗雞飯，更有一碗雞湯附送。

延伸閱讀﹕西灣河小巷$40泰式黃金雞飯大大盒油飯再送雞湯

船皇

原先「船皇」於香港有數間分店，現時則只係剩返一間，位於銅鑼灣鬧市一隅，店內船皇湯麵為主打，湯底濃郁可口，有泰式船麵感覺，只不過比正宗船麵大碗啲。

Peek-a-Chill

除咗銅鑼灣登龍街，其實希雲街都係一道「老銅食街」，編輯覺得希雲街嘅小店數量比登龍街更多。近年先於希雲街開業嘅「Peek-a-Chill」，位於街頭，以泰國菜為主。

延伸閱讀﹕銅鑼灣食街新開泰國菜冬蔭功湯底濃郁海南雞飯最出色係雞湯？

九龍

海南雞叔叔

海南雞飯專門店有好多，葵涌廣場外嘅「海南雞叔叔」係性價比不俗嘅海南雞小店，只提供外賣，人均$50就有一盒雞飯，更附送椰汁雞湯，比葵涌廣場逐件小食買更抵食。

延伸閱讀﹕葵芳全新海南雞小店 $50雞飯送椰汁雞湯

極品泰國菜館

大角嘴一帶有多間泰國菜餐廳，其中躲藏於舊區嘅「極品泰國菜館」，由泰國人主理，菜式地道正宗，連濕炒河粉都好有水準，有時候行多兩步，會搵到間回頭率更高嘅餐廳。

延伸閱讀﹕泰國人主理！大角嘴正宗泰國菜館濕炒河粉黏滑可口份量充足

泰風佳味海南雞

隱藏於旺角熟食中心內嘅「泰風佳味海南雞」，不單價格實惠，而且水平不低，只係識得搵到熟食中心嘅人，一係大叔，一係附近打工仔。

延伸閱讀﹕旺角麻甩飯堂大搜查「佬味」十足平民熟食中心藏泰式風味海南雞/超抵食車仔麵

樹屋泰菜

另一間同樣位於熟食中心嘅泰國菜小店，係位於花園街熟食中心內嘅「樹屋泰菜」。小店只係位於熟食中心一隅，但其實已經屹立多年，小店地踎感重，但性價比甚高，人均大概只係$120。

延伸閱讀﹕旺角花園街街市屹立多年熟食中心地踎泰國菜人均$120

味力曼谷

西九龍中心8樓有美食廣場，當中有多間食肆可以選擇，吸引一眾學生哥及街坊前往，但其實西九food court只係得幾間值得前往。「味力曼谷」就係其一，店內以泰國小炒為主，幾有鑊氣。

延伸閱讀﹕西九「不忘初心」泳裝漫畫少女被下架 (最新消息：新海報上場！)

後生仔海南雞1998

原本位於旺角女人街鬧區嘅「後生仔海南雞1998」，現時已經搬到西九龍中心美食廣場內，以share舖面模式提供外賣海南雞飯。雖然店內以海南雞為主，但編輯比較喜愛獨特嘅薑蔥口味海南雞飯。

延伸閱讀﹕後生仔主理！女人街$50海南雞飯 4款口味有咩揀？

Morokok

鍾意邊食邊打卡嘅少女們，不得不到「Morokok」，店內以泰國菜為主打，賣相精緻用心，絕對適合相機食先，不過價錢就可能比較高。

延伸閱讀﹕童年回憶！旺角Barbie主題限定泰式下午茶

泰亞箂海南雞專門店

兩間分店都位於工業區一帶地舖嘅「泰亞箂海南雞專門店」，只提供外賣海南雞飯，價錢相宜，而雞肉與飯量比例適中，對於附近打工仔嚟講，性價比甚高。

延伸閱讀﹕泰亞箂海南雞進駐新蒲崗工業區 $50雞飯包1:1超滑雞肉

好運泰國美食

位於新蒲崗商場內嘅「好運泰國美食」，原先與「拾う月」合租一個舖位，同時提供日本菜及泰國菜，但現時「拾う月」已經結業，只係剩低「好運泰國美食」。小店菜式為街坊價錢，口味亦偏向港人，相對其他泰國菜餐廳，係比較街坊模式。

延伸閱讀﹕新蒲崗廣場泰日餐廳Crossover 隨時邊食丼飯邊歎冬蔭公

泰基隆

深水埗基隆街內嘅「泰基隆」，以香港泰國館比較少見嘅泰北菜為主打，店內泰北麵口味正宗，啖啖皆有泰國人家鄉特色，入口惹味，為本地比較罕見。

延伸閱讀﹕深水埗基隆街泰北麵口味正宗家鄉湯底香口惹味恍如穿越泰國

幸福海南雞

大角嘴區內海南雞飯專門店甚多，其中「幸福海南雞」係編輯私心推薦，不單價格相宜，而且份量十足，材料新鮮，味道有保證，必定可以飽肚，適宜當作區內飯堂。

延伸閱讀﹕大角嘴海南雞專門店外賣孖寶套餐人均$79 除咗雞飯重有乜？

Thai-ger

荔枝角D2 place商場內只有少數食店，其中一間係甫上電梯就會見到嘅「Thai-ger 」，店內以泰國菜為主，當中重有泰式版嘅車仔麵，配料隨意配搭，不過價錢就較高。

延伸閱讀﹕荔枝角商場泰國菜外賣車仔麵版冬蔭功自由任選配料

泰和味

提到地道泰國菜，長沙灣「泰和味」係編輯另一間私心推薦，小店只係隱藏於區內一隅，但菜式地道而有水準，更有5款自家製飲品，每日款式不同。

延伸閱讀﹕長沙灣隱藏版超正宗泰國菜 5款自家製泰式飲品不定期每日輪流推出

天龍泰越餐廳

何文田餐廳唔多，屋邨附近食肆更少，其中舊屋邨內嘅冬菇亭就有一間「天龍泰越餐廳」，顧叮思議以泰國菜及越南菜為主，都屬街坊價錢，係屋邨中嘅小店。

延伸閱讀﹕何文田愛民邨冬菇亭下餐廳街坊價錢試泰國菜

泰金閣

九龍城一帶向來被稱為「小泰國」，皆因區內有大量泰國菜餐廳，而本土泰菜小店只有寥寥幾間，其中一間係「泰金閣」。相對其他人氣泰國菜餐廳，呢間亦係編輯私心推薦，因為小店係由地道泰國人主理，菜式正宗。

延伸閱讀﹕【野餐隨行】九龍城人氣泰國菜皮蛋炸蝦餅x潮州粉麵上等牛坑腩賈炳達道公園野餐大玩Crossover

BTS小食站

同於九龍城嘅泰國菜餐廳有「BTS小食站」，有如迷你泰國小食站，由於區內競爭大，所以基本上水準不俗，而價錢亦相宜，亦係區內嘅小確幸。

延伸閱讀﹕【野餐隨行】九龍城迷你BTS模式小食站宋皇臺小公園歎泰式冬蔭功

泰皇閣

而「泰皇閣」亦係九龍城區內嘅泰國菜餐廳之一，相對上述兩間泰菜小店，人氣度較高，同樣以各式泰國菜式為主，碟碟香口惹味，而本土味則更重。

延伸閱讀﹕「小泰國」九龍城人氣泰國菜館泰皇閣海鮮冬蔭功+泰式濕炒河超惹味！

新界

Kok Kok

提到泰國菜人氣店，錦田大街上嘅「Kok Kok」必定係三甲之選！餐廳開業多年，當日曾見到廚房內為泰國人主理，菜式地道，而價錢亦非常公道，等同街坊飯堂。

延伸閱讀﹕錦田隱世正宗泰國菜平價濕炒河粉極惹味

雄泰

現時，粉嶺區內美食點唔多，而當中「雄泰」就係屹立多年嘅小店。店內以泰式牛湯粉為主，湯底可口，牛味濃郁，而價格上亦甚相宜，性價比高。

延伸閱讀﹕粉嶺聯和墟平價泰國菜必食超濃船河湯底牛湯粉

南香雞飯

「南香雞飯」位於元朗，原先係區內4間本土雞飯中價錢最高，而且係唯一主打星馬雞飯嘅一間，店雞飯份量充足，雞肉量同飯量比例係1:1，而且滑嫩非常。

在 Instagram 查看這則帖子

https://eatwo.info（@e_a_two）分享的帖子

水門泰式海南雞飯專門店

至於「水門泰式海南雞飯專門店」，係分店最多嘅海南雞飯專門店，只提供外賣，亦係原先元朗區內4間海南雞飯店中，價錢最平嘅一間，糧尾恩物！

在 Instagram 查看這則帖子

https://eatwo.info（@e_a_two）分享的帖子

延伸閱讀﹕【區區有小店】元朗4間海南雞飯外賣比拼邊間最正宗？邊間最平？

篤篤車

由元朗開到旺角女人街嘅「篤篤車」，以泰式車仔麵為主打，湯底與配料都可以隨意挑選，當中招牌之作為鱷魚湯，湯底鮮甜，帶有陣陣海味香味。

延伸閱讀﹕元朗地舖借篤篤車賣泰式車仔麵罕見鱷魚湯底鮮甜可口

亞來麵檔

同樣以泰式車仔麵作招徠嘅「亞來麵檔」，位於粉嶺區一帶，冬蔭功湯底配搭車仔麵，入口酸辣醒胃，另外重有多款泰國菜小食可以選擇。

延伸閱讀﹕上水麵檔中式Crossover泰式車仔麵冬蔭功湯底酸辣醒胃

阿叔泰麵

位於大圍一隅嘅「阿叔泰麵」，名稱以bts「asok」為題，標明係食泰國菜，最有印象嘅係當中嘅新鮮牛骨湯製作嘅泰國船麵，甚至可以自行加上4種配料提味呢。

延伸閱讀﹕【野餐隨行】大圍公眾滾軸溜冰場歎泰國船麵新鮮牛骨湯自行加添4種配料提味

OK德海南雞專門店

「OK德海南雞專門店」一般於香港有多間分店，但編輯只係推介位於將軍澳寶林新都城附近嘅分店。既然係寫明海南雞專門店，餐廳當然係主打海南雞，小店油飯與雞肉份量適中，雞肉滑嫩，價錢不過不失。

延伸閱讀﹕【野餐隨行】將軍澳寶康公園草地野餐泰式海南雞x正宗四川成都冒菜

暢和號

位於大埔廣場一隅嘅「暢和號」，主打泰式海南雞飯，只提供外賣，更有自家製泰式奶茶，雞肉份旺適中，而油飯份量係比雞肉多一倍，所以絕對可以飽肚。

延伸閱讀﹕大埔廣場3間地舖一次歎日式料理/車仔麵/海南雞飯帶你海濱公園野餐隨行

連鎖

泰Cool

擁有多間分店嘅「泰Cool」，應該係最為人熟悉嘅泰國菜專門店，目前全港剩低3間分店，間中還有優惠。不過相對上述所有泰國菜小店，「泰Cool」質量係差少少，只係交通方便，而營業時間亦較有保證，多數都係比較固定同開得夜。

延伸閱讀﹕全港3間分店！油麻地樓上泰國菜用App買外賣享9折優惠芒果糯米飯宛如當地水準

兩個人旅吓行

專題

立即 Follow E.A.Two 兩個人醫吓肚
Instagram: @e_a_two
Like Facebook 專頁: E.A.Two 兩個人醫吓肚
Subscribe YouTube Official Channel E.A.Two 兩隻嘢玩乜好，
了解更多E.A.Two 資訊