香港結業潮下，美食小店似乎一間又一間逐步消失，縱然搵食艱難，現時依然有唔少值得支持嘅小店尚存，香港人一樣可以拍拖兩個人搜羅各種喜愛菜式，甚至性價比高嘅餐廳選擇。今次E.A.Two編輯就為大家整理2024年元朗區尚存嘅餐廳小店，即睇該區隱藏美食介紹！
台灣菜
羅東肉焿番
以台式肉焿為主嘅「羅東肉焿番」，座落元朗國鬧市一帶，除咗肉焿之外，重有人氣十足嘅芋泥吐司，還原台式風味，CP值高。
延伸閱讀﹕元朗正宗肉焿極滋味 歎古早味台式小食
龍鳳店
元朗國有好幾間吐司專門店，其中「龍鳳店」就係該區排隊店之一，其瀑布蛋治深入民心，蛋治層層堆疊，餐牌中有11款瀑布蛋治可以選擇。
豪大大雞排
「豪大大雞排」係來自台北士林夜市名物，香港亦有眾多分店，但編輯推介嘅「豪大大雞排」就只有元朗店一間，記得唔好食錯！
倆口小吃
挾《米芝蓮指南》星級推介頭銜，「倆口小吃」為元朗國排隊店之一，小店只係一間外賣店，並無堂食。店內以台式刈包為主，餡料眾多，另外更有壓餅可以選擇。
ET鹽水雞
台式美食風靡港人，故街頭巷尾均充斥台灣菜小店，其中「台灣ET鹽水雞」於多區都有分店，而元朗國分店則位處鳳群街一帶。
木玥巷
台灣牛肉麵受到唔少香港人歡迎，本地麵有好多間有水準嘅台式牛肉麵小店。其中，於屯門開到元朗嘅「木玥巷」，由前半島大廚主理，湯頭呈深褐色，味道濃郁。
二悅
同樣位於元朗國嘅「二悅」，位置係一道小巷內，主打亦係台灣牛肉麵。該店嘅牛肉麵雖然都有濃郁湯底，不過就極其與別不同，皆因牛肉麵與湯汁分開，食法有如沾麵模式，甚有趣。
真台客
而「真台客」本身並非只有兩間分店，但現時只係剩低土瓜灣及元朗店，其餘分店已經結業。該店以台灣夜市小吃為主，口味正宗，單單難以炮製嘅台式臭豆腐，就已經可以評價。
犀牛犀牛
有如連鎖店嘅「犀牛犀牛」，分店開到幾乎每區都有，但其實係特許經營模式，只不過都算係值得支持嘅小店。而該店於元朗則座落千色匯，交通便利。
手作功夫茶
至於「手作功夫茶」，雖然都係一間如同連鎖模式嘅茶飲店，但其實只有深水埗店、顯徑店及元朗店係值得支持，皆因通通為特許經營店。
延伸閱讀﹕深水埗過江龍茶飲 手作功夫茶蜂蜜替果糖
花斑茶社
至於「花斑茶社」，基本上係一間比較早期嘅台式手搖茶飲店，鮮奶與茶系列都係頗有水準，而該店近年最為人熟悉係變成明星應援店，相信唔需要太擔心結業問題。
延伸閱讀﹕新蒲崗茶飲本土味濃 厚鮮奶配抺茶勁甘香
海南雞
肥仔海南雞
元朗國本身有四間海南雞飯專門店，但現時該區只係剩返兩間，其中一間係「肥仔海南雞」，該店嘅雞飯係數一數二最平價，但雞肉量就唔會多。
南香雞飯
而「南香雞飯」就係該區原先四間海南雞飯專門店中價格較高嘅一間，現時亦比「肥仔海南雞」貴，不過雞肉量就最多，而且係最嫩滑。
日本菜
稚 日本料理
距離元朗廣場不遠嘅「稚」，由年輕人開設，以日式定食為主打，擺盤賣相精緻，而且正常發揮，不過由於躲藏於內街，門面亦唔太搶眼，所以比較少人認知。
秘 secret chef
至於「秘」，於佐敦、荃灣、銅鑼灣及元朗皆有分店，而元朗店就位處教育路一帶，暢通易達，店內以石燒牛扒為主，而且為吉列牛扒，故入口外脆內軟，牛味濃郁。
Toasting
「Toasting」係元朗國一間知名韓式吐司專門店，賣相極為精美，打卡必備！該店內餡採用400次滑蛋炮製，口感柔滑，吐司有9至10款可以選擇。
魚一壽司
與「秘」一樣位於元朗國教育路嘅「魚一壽司」，則以日式料理為主，雖然店內貌似以居酒屋風格打造，但價格上甚親民，有如一間街坊日式料理店。
嘩鬼拉麵和風料理
另一間元朗國街坊日式料理店位於元朗河畔，名為「嘩鬼拉麵和風料理」，店內以和風料理為主，質素平平，但由於價格相宜，故依然有唔少該區居民進入。
中式
勤記潮州食家
若然要數元朗國隱藏食店，編輯首選「勤記潮州食家」！該店不僅有招牌醉雞，而且價格相宜，兩個人埋單無需200，但能夠食飽肚，重有必食嘅超平特色甜品芒果海石花凍！
老馮茶居
於荃灣、大埔都有分店嘅「老馮茶居」，元朗店就位處大棠路之上，裝潢與菜式基本一樣，都係以懷舊風格打造，點心不過不失，比較推介砵仔蒸飯。
兩姊妹涼皮有限公司
而同樣於其他區擁有分店嘅「兩姊妹涼皮有限公司」，荔枝角及旺角區已風靡唔少客人，元朗國則位處教育路一帶，對居民來說非常方便。
616牛肉火鍋專門店
至於「616牛肉火鍋專門店 」，則為知名牛肉火鍋店，食材與菜式與深圳「八合里牛肉火鍋」無異，推介一款叫匙抦嘅牛肉，質感極為軟腍。
港式
阿玉豆腐花
「阿玉豆腐花」固然於多區都有分店，元朗國分店就位於阜財街內，該店相對荃灣店好彩嘅係，無隔離用賤招鬥平嘅競爭對手。
爆辣冷麵
嗜辣者注意！元朗國巷弄有一間最啱一眾辣迷嘅小店，門口對出有支旗寫住「爆辣冷麵」，店內冷麵嘅辣度非同小可，重有6種程度嘅辣度可擇！
維港灣餃子坊
主打餃子嘅「維港灣餃子坊」，一度憑芫荽味餃子麵吸引唔少芫荽迷，自問喜愛芫荽嘅朋友，不妨試吓全碗都係芫荽嘅芫荽餃子麵啦！
鹵家
元朗國教育路有多間值得一試嘅食店，其中有主打鹵味同燒味嘅「鹵家」，重有一款叫做食神叉燒飯嘅菜式，叉燒雖然不俗，但都唔及其鹵汁香濃惹味。
飛陽砂鍋粥潮州打冷小廚
想食潮州打冷又唔知去邊好？元朗國都有潮州菜打冷好去處，例如係「飛陽砂鍋粥潮州打冷小廚」，不僅有打冷小菜，而且有潮州滷味，滷水鵝味道濃郁，水準不俗。
忠輝燒鵝專門店
位於元朗轉角嘅「忠輝燒鵝專門店」，現時易名「新忠輝燒鵝專門店」，依然係一間大排長龍嘅燒味店，皆因該店燒味飯平靚正，最平只需$28，雙拼加兩蚊亦只係$30。不過，由於客人甚多，所以最好盡早排隊，否則就會無晒，當中以燒腩仔擁有最高人氣。
元朗花甲粉
唔知幾時開始，深圳式花甲粉變成港式美食，位於元朗國水車館街嘅「元朗花甲粉」，顧名思議係以花甲粉為主。雖然一碗花甲粉有唔少花甲，湯底亦有少量蜆水味，但當中竟然有未溶解完嘅MSG，難怪食完會口渴。
多莉餅店
元朗國有一間街坊先知嘅人氣餅店，每逢下晝5點左右，門口自然會大排長龍，皆因呢間「多莉餅店」會推出一系列凍餅。雖然編輯未及試到凍餅，但卷蛋水平亦唔錯。
齊柏林熱狗店
至於「齊柏林熱狗店」，分店眾多，寫咗好多次，唔想再寫太多，元朗店就位處鳳攸東街一帶，比較偏離市中心，但尚算近鳳琴街體育館。
齊記美食
而「齊記美食」原店位於屯門，後來開到元朗，該店來自齊柏林熱狗店，涉足兩餸飯市場，元朗店位置靠近日本料理店「稚」。
桜
以日本字「桜」為題嘅手卷店，目前分店只剩低荃灣路德圍、西灣河太安樓及元朗店，而元朗店則位於又一新，同樣交通便利，亦只有外賣可擇。
光榮冰室
「光榮冰室」則為眾所週知嘅港式茶記，該店於多區都有分店，而元朗店亦上述多間小店一樣，座落教育路一帶。雖然該店大多數都水準平平，但間中亦有正常發揮。
元朗燒賣皇后妙舒
由元朗起家嘅「元朗燒賣皇后妙舒」，一度於涉足其他區域，但目前只剩低元朗元祖店及荃灣路德圍店，該店以燒賣為主，為一間港式小食專門店。
天水圍新北江商場間間微舖逐間試！芝士面醬汁濃而不膩！1個問題需改善？
【#邪惡芝士麵】天水圍有一個商場係街坊嘅美食廣場，E.A.Two亦曾經到過幾間小店，今次就前往當中另一間，呢間全舖分明以芝士為主打，感覺好家庭式風格，路過不妨拍拖兩個人試一試。
大埔丸茶開業逾5年、選擇困難症適宜！主打台式珍奶卻港味濃？
【#大埔茶飲】香港茶飲店就係台灣手搖飲品店，選擇同樣有好多，但真正嘅本地選擇其實有限，想要拍拖兩個人找尋本土茶飲，記得留意E.A.Two嘅茶飲List。今次前往大埔一間位於廣福道上嘅茶飲店，牆壁滿佈本地明星嘅應援宣傳品，選擇雖然有台式風格，但有就滲有香港味。
大埔街坊逾20年舊式麵包舖！名都餅店平價麵包／蛋撻／忌廉蛋糕
【#傳統麵包】香港傳統麵包店愈來愈少，港式麵包店有種獨特風格，係其他地方模仿唔到。大埔屋邨內有間傳統麵包舖，經營有超過20年，麵包每日新鮮出爐，重有港式蛋撻同生日蛋糕，探訪大埔經過呢一帶不妨拍拖兩個人去買返個最平6蚊嘅麵包。
即睇Tips！灣仔長期排隊店新景園咖哩小廚！馳名中外最高人氣咖喱豬扒飯／乾炒牛河水準如何？
【#人氣咖喱】講到灣仔區最具人氣嘅餐廳，絕對不得不提拒絕藝人譚詠麟直入嘅「新景園咖喱小廚」。該店多年來每日都係大排長龍，無論午市定晚市，開舖前就已經有一條長長人龍，想要拍拖兩個人隨時去食真係天荒夜潭。該店唔單止受本地人歡迎，連中西遊客都慕名而至，到底有咩招牌作，值唔值得專程去食呢？
南昌V City對面有分店！餃里8款餃子任揀湯餃／煎餃／3款湯水、最平$42！
【#平價餃子店】香港有唔少餃子店可以選擇，適合經濟型情侶拍拖兩個人用餐，E.A.Two就曾經食過「好味餃子店」、「甜記餃子」，今次就前往「餃里」，尚餘一間「有得餃」未食過，而呢幾間餃子店都係快靚正又經濟實惠嘅選擇。
【新年巡禮2026】全港逾25間香港小店全素蘿蔔糕／櫻花蝦瑤柱蘿蔔糕／紅棗燕窩椰汁年糕／開心果年糕／鮑魚雲腿蘿蔔糕／麻辣芋頭糕！賀年糕點立即預訂享早鳥優惠！
【#新年巡禮2026】踏入2026，意味農曆新年即將來臨，拍拖兩個人想搵年糕、蘿蔔糕？今次E.A.Two為大家整合2026年新年糕點，雖然繼續出品新年糕點嘅餐廳及商店已經愈來愈少，但有心要搵一樣可以搜羅到，即刻睇睇啱你心水嘅小店！
赤柱隱藏免費博物館！香港懲教博物館毗連監獄！設10個展覽館＋2個打卡位、最驚喜係邊個？
【#赤柱博物館】於2025年11月，有個「香港博物館節」，有超過17個博物館都係免費入場，但就唔包括隱身於赤柱嘅呢個博物館。不過，呢個博物館本身都係免費入場，如果拍拖兩個人於赤柱一帶散步，不妨順路遊覽呢個展覽館。
超迷你唐樓博物館隱身上環街頭！近PMQ元創方／新聞館！保留裝潢、件件舊香港人昔日必備架生！
【#超迷你博物館】好多人成日話香港無地方去，無嘢好行，其實現時依然有好多地方隱身市區內，值得拍拖兩個人去搜索一下。今次E.A.Two就前往一間近月先開放公眾進入嘅「唐樓博物館」，原來呢間小型博物館真係隱身於一幢唐樓內，入面保留咗昔日嘅場景同用具。而唐樓位置唔單止近上環知名文創地標「PMQ元創方」，同時毗鄰「香港新聞博物館」，任何人都係免費入場，即睇預約方法！
實試官方導賞團！一次參觀尖沙嘴2大法定古蹟、深入了解天文台總部＆前九龍英童學校英式建築！
【#本地導賞團】如果拍拖兩個人喺香港唔知去邊度好，不妨試吓join香港導賞團，對香港地隨時有更深認識，有好多係平時無咩人留意而又鮮為人知。今次E.A.Two就選擇參與尖沙嘴兩個景點嘅導賞團，呢兩個地方唔單止係英式建築物，而且都係一早被列為「香港法定古蹟」，原來每個禮拜只有1日有得導賞團，到底點樣join呢？
舊京都風小屋已拆走！北角天后廟道三號花園日式庭園竟變單一朱紅色鳥居裝飾？
【#再獻新猷】近年小說《我所看見的未來》翻hit，唔少人竟然因為一本小說而擔心「7月5日災難性大地震」預言成真，連7月日本旅遊人次都大幅減少。日本素材向來受到港人拍拖兩個人歡迎，港島區一個公園早年就有一個京都風庭園，今日小屋已被拆走，取而代之嘅只係單一朱紅色鳥居裝飾，唔通係為咗香港人唔飛日本而設？
落機無需搭地鐵！香港機場巴士路線直出市區車費更低？即睇港九新界E車、A車、N車攻略！
【#機場巴士】無論係旅客搭飛機嚟香港旅遊，抑或香港人由外地返香港，由香港國際機場出發前往市區，好多人都會選擇乘搭地鐵。不過，其實香港機場有大量巴士路線可以選擇，唔單止可以直出市區，而車費隨時更低，甚至全天候都有車往返機場，拍拖兩個人由機場去市區都好方便。到或巴士路線中嘅E車、A車、N車有咩分別呢？即睇香港機場巴士路線攻略！
承豐道隱藏漩渦形純白觀景台！公園毗鄰啟德體育園／Airside！清靜海濱長廊180度瞰港九東西維港景！一條路線穿梭空中花園＋郵輪碼頭公園！
【#散步日常】近年，啟德一帶吸引唔少人流，「啟德體育園」就係人流聚集嘅地方，而最近其實重有一個隱藏「啟德體育園」同「啟德郵輪碼頭」之間嘅賞景觀景台。該觀景台設計既似一個漩渦，亦可以連接「啟德空中花園」走道、可以180度眺望港九東西維多利亞港景色同煙花景嘅「啟德海濱長廊」，甚至一條路線直達「啟德郵輪碼頭」，人流稀少，沿途環境清靜，適合拍拖兩個人散吓步。