元朗/上水出發！夏日閒遊山中心形湖古洞水塘翠綠之鏡童話風秘地

夏日炎炎，氣溫極高，行山並非一個推介嘅活動，但如果係一道輕鬆郊遊路線，都可以係適合現時天氣嘅活動，以下推介嘅路線，只需要從元朗或上水乘搭一程車，唔係的士，即可以拍拖兩個人登上湖面超平靜、躲藏於山林中嘅心形水塘，下面有童話風格，上面兩條路線可以觀賞全個心形湖景色，遊走元朗至上水其實都可以好簡單。

由元朗乘搭一程巴士路線，就可以從前往上水方向，而元朗至上水之間有唔少行山路線，當中有一個恍如「心形湖」嘅水塘，離巴士站只係約15分鐘步程，簡單易行。河上鄉對面即為古洞，只需穿過行人天橋，就可以步行至古洞街市、何東夫人醫局方向，一直依循古洞南路上行，10分鐘即可抵達古洞水塘。

古洞水塘（Kwu Tung Reservoir）係其中一道最易行路水塘路線，靠近上水古洞村南端，位於上水以西，元朗以東。水塘景觀一直被稱為港版心形湖，因為從高點俯視時會見到塘似心形狀，亦有指場面恍如日本北海道豊似湖，但事實上古洞水塘只係單純係一個香港灌溉水塘，可用作救火。

前往水塘之前有一個分岔路口，可通往古洞配水庫，不過配水庫並無配水庫遊樂場，只係鐵絲網左側有一道小路，貌似可通往山崗賞景位。事實上，只需要依循配水庫旁邊鐵絲網走到最後，就可以轉上山坡，前行一小段山路，即可以登上頂點，從高點俯視古洞水塘，呢段路相對比較容易，只不過心形湖會係背面，而非以下一段路直視心形湖嘅正面。

折返原路，從分岔口走向另一邊路段，直行到底就係古洞水塘湖畔，水塘湖面平靜，波平如鏡，清幽寧靜，輕易構成香港人近年經常掛於口邊嘅「天空之鏡」，而編輯比較想稱為「翠綠之鏡」，皆因樹影婆娑，背靠山巒，湖面翠綠，映照出嘅都係青翠湖景，如同山水畫。站於水壩之間，畫面唯美，恍如童話世界內一個小庭園，合適角度比起站於山崗上打卡效果更好。

不過，古洞水塘表面看似平靜，又靠近豪宅、村屋，但其實水塘曾經有鬼故流傳，故事同水鬼有關，有指水塘曾經發生過自殺或溺斃之事，從美麗嘅另一邊睇，水塘帶有神秘一面。

前往古洞水塘嘅路況基本平坦易行，水壩窄長，人流極少，僅吸引少數釣魚客，難度極低，除咗接住步行水壩背後嘅山路，如果將心形湖講到係親子路線或山崗零難度，就只係一個不負責任嘅平台，因為攀登山崗係唔容易，呢一段小山路比較崎嶇不平，絕對要有經驗同裝備先好攀登上高點。

從古洞水塘步行至背後山路，會見到一個個山墳，而樓梯級以上山脊甚為陡峭，只有泥沙路，亦多碎石，其實路段可通往約222米高嘅麒麟山，山頭可觀360度景，只不過編輯裝備不足，未有繼續前行，皆因山路情況可以估計需要手腳並用，而且必須防滑行山鞋同行山手套。不過，此路段則可以從高點俯視整個心形湖，而且與剛才配水庫旁邊山崗鳥瞰嘅情況並唔一樣，皆因此位置係完全放眼心形湖正面，畫面更壯觀。

兩個人旅吓行

專題

立即 Follow E.A.Two 兩個人醫吓肚
Instagram: @e_a_two
Like Facebook 專頁: E.A.Two 兩個人醫吓肚
Subscribe YouTube Official Channel E.A.Two 兩隻嘢玩乜好，
了解更多E.A.Two 資訊

E.A.Tips :

❶ 巴士路線76K可以直達上水古洞街市。

❷ 由元朗去上水，可以乘搭巴士路線76K，於河上鄉站落車可以前往古洞水塘，車程約42分鐘。

❸ 巴士落車後，折返後面天橋過對面，落橋後向右邊走，前往古洞街市、何東夫人醫局方向，經古洞路，沿古洞路路上行，就可以到達古洞水塘，步程只係約10分鐘，中途有公廁。

❹ 古洞水塘背後為新田麒麟山，可以從高點望到古洞水塘為心形湖狀，但並非正式行山徑，全程為沙泥路，裝備不足勿隨便前行。

❺ 古洞配水庫旁亦有小路，離水塘約30分鐘步程，同樣需要裝備充足先好前行。

❻ 古洞水塘會有蚊，最好做足防蚊揩措施。

❼ 登山要量力而為。

❽ 自己垃圾要自己帶走。

EATWO

Miss A

【區區有小店2025】炮台山7間尚存本土餐廳美食！自家製蕎麥麵／海景自助餐／爆餡菠蘿包