半山纜車站古色古香舊英軍醫院近英領事館被列一級歷史建築物現址為學校？

近月，英女皇伊利莎伯二世駕崩，除咗英國當地人有悼念俯儀式，香港都重有唔少人專程前往英國駐港戀領事館悼念英女皇。英女皇係唔少英屬香港居民嘅集體回憶，殖民歷史所帶俾香港嘅事物都係好嘅回憶。而拍拖兩個人重可以去探索更多歷史痕跡，離英領事館不遠，可以搵到一座位處半山嘅舊英軍醫院，現時原來改為學校用途？

前往舊英軍醫院之前，經過麥當勞道纜車站，可以於石橋下影吓相。位於中半山嘅麥當勞道由東邊連接西邊，花園道連接堅尼地道，多為高尚住宅地帶。麥當勞道英文為MacDonnell Road，係來自香港第6任香港總督麥當奴，本來叫麥當奴道，只不過1957年被改名，同美式快餐店麥當勞全無關係。而山頂纜車麥當勞站係其中一個來往中環至山頂嘅交通工具。

山頂纜車路線麥當勞站海拔高約95米，係纜車嘅中途站，纜車穿過麥當勞道石橋時，畫面優美，石橋下亦係影相位。

若然你夠細心，應該會發現麥當勞站與堅尼地道站之間有一架剛剛退役嘅紅色纜車停泊於纜車路軌一端。無對比無傷害，舊有嘅紅色纜車同新式嘅綠色纜車大有分別，紅色纜車型格又美觀！

兩個人旅吓行

專題

立即 Follow E.A.Two 兩個人醫吓肚
Instagram: @e_a_two
Like Facebook 專頁: E.A.Two 兩個人醫吓肚
Subscribe YouTube Official Channel E.A.Two 兩隻嘢玩乜好，
了解更多E.A.Two 資訊

位於半山波老道嘅前英軍醫院，為寶雲道之上，本身係一座為駐港英軍、皇家香港警務處特別任務連提供醫療服務嘅醫院，陸軍一度遷至京士柏作醫院。前英軍醫院面積偌大，於1903年建立，並於1907年正式啟用，經歷過日治時期，香港重光後就被駐港英軍使用，直到現時就被團體租用，其中包括有中英劇團、Carmel School of Hong Kong及香港猶太教國際學校。