近藍地大街！屯門新村全港最靚壁畫村藝術家三面牆繪盡30年卡通人物？

近年，香港有幾個著名壁畫村，包括荃灣光板田村、西營盤壁畫村、錦田壁畫村、粉嶺坪輋壁畫村，通通都係拍拖兩個人影相好去處。今年屯門區就有一個全新壁畫村，比上述4個壁畫村更精彩，以約30年嘅卡通人物為主題，打造最靚嘅香港壁畫村。

喺最近幾個月，屯門藍地大街附近出現一個打卡好去處，毗連藍地嘅屯門藍地近村，隱藏一個全新嘅手繪壁畫村，其中一幢村屋三面牆身皆被色彩豐富嘅手繪壁畫包圍，而且係以眾多卡通人物為主，吸引唔少行山客、打卡人士專程前往影吓相，得閒行過的確可以前往找尋自己喜愛嘅卡通人物喔！

屯門壁畫村位於藍地新村內，只需要乘搭巴士路線就可以直達藍地站，過天橋就會到達毗鄰藍地大街嘅屯門藍地新村入口，前行一小段路，壁畫即映入眼簾。另外，亦可以從藍地大街抄小路進入，小村落一隅壁畫同樣好快清晰可見。入口位置有一個綠色主調嘅小郵箱，上面有隻可愛小「鹿（馬）」，唔輸蝕於壁畫上嘅公仔。

原來屯門新村壁畫係來自本地藝術家嘅手筆，同其他壁畫村一樣由義工繪畫，三面牆身佈滿一個又一個卡通人物，連其他花紋都係採用日本藝術家村上隆標誌嘅太陽花、草間彌生嘅圓點花紋等，繪畫者相當用心。

從手繪壁畫上嘅部份卡通人物可以推斷，壁畫係疫情時繪畫，比如兩隻牛奶妹戴上粉色口罩，壁畫牆身亦寫有Wear Mask之類嘅字眼，純白牆身帶上可愛卡通人物，似乎係順道為香港人打打氣。

村屋圍牆、大閘瞬間被美化，三面壁畫牆包含有眾多卡通人物，粗略估計應該有約30年嘅卡通人物，用色鮮艷奪目，色彩豐富，滿滿童年回憶，穿梭其中，恍如走入動漫世界。

卡通人物當中連最新嘅《SPY×FAMILY》安尼亞、角落生物都有！各個卡通人物耳熟能詳，比如係《叮噹》中嘅叮噹、迪士尼電影《冰雪奇緣》嘅Elsa、《櫻桃小丸子》嘅花輪同學同小丸子、《老夫子》嘅大蕃薯、《鬼滅之刃》嘅炭治郎同禰豆子，以致《芝麻街》、《阿森一族》、《龍珠》都有，其他著名卡通人物如Snoopy、蠟筆小新、米奇老鼠、米妮老鼠、翠兒亦有，甚至唔少香港人唔太鍾意嘅維尼熊同比卡超公仔亦有。但對於編輯嚟講，眼中就只有兩隻所佔嘅位置唔多嘅Hello Kitty！

轉出藍地大街走到盡頭之後，有一間繪本士多係更值得大家參觀一下，唔好問點解。位於藍地大街嘅小士多，於2007年左右開業至今，外面都有小型壁畫牆，內裏無華麗裝潢，但唔同繪本同書籍，可以盡情感受閱讀樂趣，懷舊味濃厚。

兩個人旅吓行

專題

立即 Follow E.A.Two 兩個人醫吓肚
Instagram: @e_a_two
Like Facebook 專頁: E.A.Two 兩個人醫吓肚
Subscribe YouTube Official Channel E.A.Two 兩隻嘢玩乜好，
了解更多E.A.Two 資訊

E.A.Tips :

❶ 巴士路線53,63X,68A,258P,261P, 960A,960X,A34,B2,NA37 都可直達藍地站。

❷ 百好繪本士多位於藍地大街盡頭。

❸ 謹記眼看手勿動，切勿塗污或破壞壁畫。

❹ 壁畫一隅有少量畫筆可作拍照道具。

❺ 影相還影相，唔好用口影相，謹記保持安靜，唔好騷擾附近村民。

EATWO

Miss A

新蒲崗濃姐加持、米線生力軍成排隊店！秋拾小食完勝米線﹕蝦多士／八味豆腐／炭燒豬頸肉／脆炸韭菜餃

兩個人旅吓行

專題

E.A.Tips :

藍地屯門新村壁畫